في العصر ده ، تعتبر اللغة الإنجليزية اهم لغة في العالم وده لأن تقريبا فيه ١.٦ مليار شخص بيتكلم الإنجليزي بطلاقة وفوق ٨٠ دولة بيتعاملو مع الإنجليزية كلفة رسمية ، وبالتالي مفيش اي دولة هتفكر تسافرها الا و هتبقي محتاج الإنجليزي فيها كطريقة للتواصل فمبقاش لازم انك تتعلم اللغة الام للدولة لأنك اللغة الإنجليزية تعتبر لغة عالمية و ممكن تتواصل بيها مع معظم الدول الاخري.
وغير كدة ، تعلمك للغة الإنجليزية هيفتحلك أبواب كتير جدا في حياتك العملية ، سواء كنت بتدور علي شغل كويس او حتي ترقية في شغلك الحالي، وكمان ممكن تشتغل مع عميل من برا مصر وتقبض بالدولار $$.
-طب هو صعب اني احسن من اللغة بتاعتي؟
=لا خالص، انت بس محتاج صبر واستمرارية ؛ ولو خصصت وقت معين من يومك للتدريب هتلاقي فرق كبير جدا بعد ٦ شهور بس.
-طب أنا اللغة بتاعتي كويسة من ايام المدرسة بس عندي مشكلة اني مبعرفش اتكلم او أتواصل بيها؟
= الحقيقة دي مش مشكلتك لوحدك ، الطريقة اللي اتعلمنا بيها اللغات في المدرسة كانت بتعتمد علي القرأة والكتابة بس ، وده طبعا عكس الترتيب الطبيعي للتعلم اللي هو اننا نسمع الاول وبعدين نبدأ نتكلم ، وعشان نعالج المشكلة دي لازم تعود ودنك علي اللغة وتدرب لسانك علي كلماتها.
-ممكن طريقة عملية اقدر أطبقها عشان احسن من طريقة المحادثة؟
=طبعًا! لو عايز تتعلم تعمل محادثة بالإنجليزي، ركّز على الحاجات دي:
1. ابدأ بالحاجات السهلة والأساسية
• اتعلم التحيات زي “Hi, how are you?”، وكلمات زي “Please” و”Thank you”.
• كل يوم خد شوية كلمات بسيطة وجرب تحفظهم.
2. اسمع إنجليزي كتير
• شغّل أفلام أو فيديوهات إنجليزي بترجمة، وركّز على الكلام اللي بيتقال كأنك طفل بيتعلم الكلام لأول مرة.
• حاول تقلدهم في النطق والطريقة.
3. اتكلم، حتى لو غلط
• ماتخافش تغلط، كلنا بنتعلم كده.
• اتكلم مع نفسك، أو قدام المراية، أو حتى مع أي حد فاهم شوية إنجليزي ، وزي ما الإنجليز بيقولو (practice makes perfect ).
4. استعمل تطبيقات تعليم اللغة
• زي Duolingo، أو Cambly عشان تتكلم مع ناس أجانب. الحاجات دي بتساعدك تفك لسانك.
5. دور على حد تتكلم معاه
• ممكن تلاقي حد عايز يتعلم عربي، وتساعدوا بعض وده مصطلح اسمه (language exchange )أو حتى جروبات على النت للتدريب على المحادثة.
6. شوف أفلام ومسلسلات وقلدهم
• اختار حاجة بتحبها وشوفها، وكرر الجمل اللي بتسمعها. كل ما تقلد أكتر، كل ما نطقك هيبقى أحسن.
7. اقرأ واكتب حاجات بسيطة
• جرب تكتب يومياتك بالإنجليزي حتى لو بجمل بسيطة زي: “I woke up at 8 AM today.”
8. انضم لكورسات أو جروبات محادثة
• لو تعرف مكان بيعمل كورسات أو جروب على النت بيتكلموا إنجليزي، انضم ليهم واتدرب معاهم.
ممكن الخطوات تبان كتير او تقيلة بس لو قسمتهم علي مراحل ونظمت يومك مش هتحس انها حاجة صعبة خالص!
وده مثال ليوم تدريبي:
• 15 دقيقة لحفظ 5 كلمات جديدة.
• 20 دقيقة مشاهدة فيديو أو فيلم بسيط مع ترجمة.
• 10 دقائق كتابة يوميات بسيطة.
• 10 دقائق محادثة مع نفسك أو مع شريك تدريب
الفكرة إنك تفضّل تجرب وتحاول كل يوم، ومع الوقت والمثابرة هتحس إنك بتتحسن جدًا. الممارسة هي السر!