من نحن | رؤية “سنوحي”

“سنوحي”. المشروع ده مش مجرد فكرة، دي رسالة هدفها خدمة الناس ونشر المعرفة.

الحكاية بدأت لما سمعت شعر للإمام الشافعي، وكان بيقول:

“أفضل الناس ما بين الورى رجل تقضى على يده للناس حاجات…
قد مات قوم وما ماتت مكارمهم، وعاش قوم وهم في الناس أموات.”

وبعدها سمعت جملة قصيرة جدًا، لكنها كانت كافية تهزني وتغير حياتي: “إحنا مخلوقين لخدمة بعض… اللي بيخدم الناس عمره ما يموت.”
الجملة دي دخلت دماغي، وقعدت أفكر فيها كتير، وبدأت أشوف نفسي إزاي ممكن أقدم حاجة تفيد الناس وتخلي حياتهم أسهل وأفضل.

وفي مرة، صديق لي قال لي جملة علّمت في قلبي: “خلي دايمًا شغلك كله أو أي حاجة بتعملها لله، هتلاقي الدنيا بقت ميسّرة، وهتقدر تفيد وتستفيد.”
الجملة دي بقت دليل لحياتي وشغلي. ومن هنا، اتولدت فكرة “سنوحي”.